REGISTRES DU BUREAU

[.55₉1

Et après le clergé cy-dessus nommé sorty de lad. chappelle troys cielz de broderye, soubz l'ung desquelz estoit porté la Vraye Croix, soubz l'autre la Saincte Couronne d'espines, et soubz l'autre le fer de la lance.

Après lesquelz estoient porté les chefz sainct Chailemaigne et sainct Loys.

Après, suyvoient plusieurs evesques qui alloient devant mess™ les Cardinaulx de Bourbon, de Sens, de Lenoncourt, Strocy et autres.

Suyvoient après mess™ les princes de Montpensier'¹', La Roche sur Yon'²' et autres chevaliers de l'Ordre, tous vestuz de noir, ayans le Colier de l'Ordre au col, et chascun ung gros cierge ou flambeau ardant en la main.

Après eulx, marchoient mess™ de la Court de Parlement, vestuz de leurs robbes d'escarlatte et chapperons fourrez.

A costé senestre marchoient mess™ des Comptes et Mess™ de la Ville;

Et en tel ordre s'en retournerent en l'eglise de Paris, où Mess" de la Ville ne sceurent avoir place, sinon aux basses chaizes, à cause desd, princes qui avoient prins leur place.

Ce faict, fut commencée la grande messe autant

solempuelle que jamais en fut célébrée, ety estoient les chantres du Roy, les chantres de Nostre Dame et les chantres de la Saincte Chappelle, et faisoit l'office mons^r de Paris. Et pour augmenter la devotion, et ad ce qu'd pleust à Dieu avoir pitié du Roy, entre l'eslevation du Corpus Domini et Y Agnus Dei, les petitz enffans de cueur chantèrent à deux ge-noulx : Domine, non secundum peccala noslra que feci-mus nos, etc., et feirent plusieurs prieres et dévotes oraisons pour le Roy, qui estoit chose pitoyable et de grande devotion.

Après la messe dicte, Mess™ de la Ville allerent convoyer les sainctes reliques jusques à la Saincte Chappelle, où ilz les baisèrent à gcnoulx, puis s'en retournerent disner en l'Hostel de lad. Ville; et mess™ de la Court allerent convoyer la chasse madame saincte Geneviefve et disnèrent en l'abbaye.

En ce temps, depuis que le Roy fut blessé jusques à ce jour, on n'a point sonné par les eglises.

Le landemain, lundi x^e jour dud. moys, le recteur de l'Université et ses suppostz feirent une belle procession pour le Roy, des Mathurins en l'eglise mons' Sainct Jehan en Greve'³'.

LI. — La mort du Roy Henry, 11^e de ce nom

i o juillet 1559. (Fol. 38 r°.)

Ce jour, environ dix heures du malin, le noble Roy Henry, n° de ce nom, mourut aux Tournelles, dont les habitans de la ville de Paris menèrent si

autant plainct que jamais fut Roy, parce qu'il avoit esté en son vivant autant débonnaire, gratieulx et bening qu'on cn veist de cent ans.

grant deul que la pluspart estoit en larmes, et fut

LII. — Assemblee pour le seigneur de Maligny.

15 juillet i55g. (Fol. 38 v°.)

Du samedi, xv" jour de Juillet mil v° lix.

En Assemblée le jour d'uy faicte en l'Hostel de la ville de Paris de Mess" les Prevost des Marchans, Eschevins et Conseillers de lad. Ville, pour adviser sur aucuns affaires survenuz à la Ville, qui estoit pour savoir si on doibt composer au seigneur de Maligny à quelques sommes de deniers, suyvant certain arrest de la Court donné au prouffit dud. s^rde Maligny contre lad. Ville et les habitans de Cha-

My pour raison de la navigation de la riviere d'Ar-menson, en laquelle se sont trouvez, assavoir :

Mons' Bragelongne, Prevost des Marchans;

Mons^r de Thou, mons^r Marcel, Eschevins;

Mons^r d'Athis, mons^r Croquet, mons^rDu Saulsay, mons' Lelièvre, sire Pierre Croquet, mons' Perrot, mons^r Sanguyn, Conseillers de la Ville;

A esté conclud qu'on doibt composer et accorder aud. s^r de Maligny à la somme de v^m, v^m v^e, vi^m livres

f) Louis de Bourbon, duc de Montpensier.

(2) Charles de Bourbon, prince de La Boche-sur-Yon, frère du précédent.

(3) Ce même jour, le chapitré de Notre-Dame avait organisé une procession aux Augustins et devait en faire une autre à Sainte-Geneviève, Ie lundi io juillet. {Archives nationales, Reg. capitulaires de Notre-Dame, LL 252, p. 73o.)